Эрх шилжүүлэх заавар

Худалдагч, худалдан авагч тохиролцсоны дараа газрын эрхийг албан ёсоор шилжүүлэх ерөнхий дараалал. Эцсийн шийдвэрийг газрын асуудал эрхэлсэн төрийн байгууллага гаргана. Энэ нь хуулийн зөвлөгөө биш тул эргэлзээтэй үед нотариат, хуульчтай зөвлөлдөнө үү.

1. Баримтаа шалгах. Худалдагч egazar.gov.mn-д нэвтэрч «Лавлагаа авах» хэсгээс «Нэгж талбарын тодорхойлолт», «Барьцааны тодорхойлолт»-ыг хэвлэж өгнө. Газрын төлбөр өртэй эсэхийг хяналтын самбарын «Газрын төлбөрийн мэдээлэл»-ээс, гэрчилгээний хугацааг гэрчилгээнээс шалгана.

2. Нотариатын гэрээ. Талууд газар эзэмших (эсвэл өмчлөх) эрх шилжүүлэх гэрээг нотариатаар батлуулна. egazar-т хүсэлт гаргахад нотариатын гэрээний дугаар шаардлагатай.

3. egazar-т хүсэлт гаргах (эзэмшлийн газар). Худалдагч egazar.gov.mn → «Газрын мэдээлэл» → тухайн нэгж талбар → «Хүсэлт» → «7: Газар эзэмших эрхийг бусдад шилжүүлэх» хүсэлтийг нотариатын дугаартай нь илгээнэ. Газрын зөвхөн хэсгийг шилжүүлэх бол «23: Эзэмшил газраа хэсэгчлэн шилжүүлэх», барьцаанаас чөлөөлөх бол «8» дугаар хүсэлтийг ашиглана. Нэг хүсэлтэд хавсаргах файлын нийт хэмжээ 20 MB-аас бага, PDF файлын нэр латин үсэг, тоогоор байвал зохимжтой.

4. Өмчийн газар. Өмчлөх эрхийн шилжилтийг нотариатын гэрээний үндсэн дээр эд хөрөнгийн эрхийн улсын бүртгэлд бүртгүүлнэ.

5. Түрээс. Эзэмшлийн газраа бусдад ашиглуулах бол egazar-т «11: Эзэмшил газраа бусдад ашиглуулах» хүсэлт гаргана.

6. Шийдвэр ба гэрчилгээ. Хүсэлтийн явцыг egazar-ын «Өргөдөл» хэсгээс харна. Шийдвэр гарсны дараа шинэ эзэмшигчтэй гэрээ байгуулж гэрчилгээ олгоно.

ЦАХИМ ГАЗАР-аар дамжсан хэлцлийн явцыг админ алхам бүрээр тэмдэглэж, худалдагч болон худалдан авагч «Миний хуудас»-аасаа харна.